عرض الإصدار الكامل : تــرفيهــ # لحـــظـــة صـــراحـــة # ـ ـ مـــع لمــســـة ـ ـ
لمسة دفئ
07-05-2007, 01:47 AM
بسم الله الرحمن الرحيـــم
،
،
،
السلام عليكــــم ورحـــمــة الله وبركــــاته
الموضوع: "لحـــظـــة صـــراحــــة"
المضمون: كل عضو يدخـــل ويضع سؤالاً للعضو الذي يتبعــــه على شـــرط أن يكون هذا الســـؤال يتطلب الصـــراحــة والصـــدق،،،
الهـــدف: التــرفيـــه، فتـــح مجـــال للتــصارح بين الأعضاء، تعلم فنون الاحراج:wink: << خخخ
المطـــلوب: التفــاعـــل و"التــوِّنـــس" والإجابـــة على الأسئلة بصدق وصـــراحـــة،،
المرفوضون: الغيـــر صريحين،،
المطلوبون: الصريـــحيـــن،، المحــرجين،، المبدعيـــن المتفننين،،:59:
اتمنى أن ينــــال الموضــــوع على اعجابكـــم،،
لحـــظـــة ترفــــيه،،
مــــــــع
لمســــــــــــة،،
:12:
لمسة دفئ
07-05-2007, 01:54 AM
الســـــؤال رقـــم "1"
هـــل أنت صـــــريح؟؟ متــــــــى؟؟
لمســــــــــة،،
قـلـم حُـر
07-05-2007, 09:24 AM
نعم , في كل وقت
هل انت مجتهد في دراستك ؟
الحمدلله مجتهده وخلصت الدراسه بتفووق ذكرتني بايام الدراسه :)
اللي بعدي
هل أنت صادق مع نفسك ومع الأخرين
شكرا لسمه دفئ على هذا الموضوع المتميز ..
سالم ربيعه
07-05-2007, 10:36 AM
للأسف ،،
مرات و مرات ..:unsure:
نسأل الله أن يوفقنا لذلك ..
اللي وراي ..:flowers:
شسم أمك / أمكِ ؟؟:clown:
ولاتنسى القانون ..
( الصدق + الصراحة ) ..:Ok:
والشكر موصول لصاحبة الموضوع ..
أخوكم في الله ..
سالم ربيعه ..
قـلـم حُـر
07-05-2007, 11:04 AM
امي
اسمها
حواء
الحمدلله اني ذكي
اللي بعدي
كم رقم بيتكم
(( الصدق + الصراحه ))
ولحد يدخل ويشوف الجواب وعقبها يحط رجله
لمسة دفئ
07-05-2007, 11:33 AM
بيتنا رقم "5"
مشـــكووووريــــن كل اللي مروا وشاركوا
اللي وراي كم عـــمــرك؟
مع تاريخ الميلاد باليوم والشهر والسنة،،،
لمســـــــة,,,
قـلـم حُـر
07-05-2007, 11:37 AM
ليش هالاحراجات القويه
تحت 25 سنه
اللي بعدي
كم مره صرخ عليك ابوك
لمسة دفئ
07-05-2007, 11:45 AM
ارجع فوق وجاوب على السؤال بالتفصيل الممل
:sly:
قـلـم حُـر
07-05-2007, 11:48 AM
تم التحرير
لمسة دفئ
07-05-2007, 11:52 AM
اممممممم
خلاص بطوفها لأني حررت السؤال
ما شاء الله عليك جاوبت بسرعه ما مداني اعدل السؤال،،،
اجـــاوب على السؤال،،
ابوي صرخ علي 2000 مره تقريبا ويمكن أكثر أو اقـــل،،
اللي بعدي،،
كم مره طحت فيها جدام الناس؟؟ ووين؟؟
لمســـــــة,,,
قـلـم حُـر
07-05-2007, 11:53 AM
وشهو اللي طحت فيها
لمسة دفئ
07-05-2007, 11:59 AM
طــــحــــت
يعني تخرطفت،،،
وقعــــت
جدام الناس،،،
خخخخخخخخخ
قـلـم حُـر
07-05-2007, 12:22 PM
اوووووووووووه
شكثر اطيح قدام الشباب
وانا في الملعب الصابوني
السؤال للي بعدي
كم مره انظربت في المدرسه
الوردة الحزينة
07-05-2007, 05:40 PM
لعبه حلوه وممتعه :)
لـــم ولن اضرب من قبل خخخ مشاء الله علي
..
للي بعدي ..
كم مره حشيت او حشيتي ؟؟ خخخـ
قـلـم حُـر
07-05-2007, 05:53 PM
الحمدلله كم مره بس
وقلت كفارة المجلس
الله يغفرلي ويرحمني
بس لا تخافون اللي احش فيه ادعيله بعد ما اخلص
هههههههههههههههه
كم مره قالولك انك كثير كلام
غريب الدار
07-05-2007, 05:53 PM
يعني ..
تقدر تقول وايد
لما امللهم من قلب ..
كم رقم جوالك الخاص (5؟؟؟؟؟؟؟؟) خخ
قـلـم حُـر
07-05-2007, 05:59 PM
E50
هذا هو رقم جوالي الخاص
اما الثاني
الحين بشتريه
E65
ههههههههههههههههه
انت الحين في اي مرحله دراسيه
غريب الدار
07-05-2007, 06:01 PM
ليش الاحراج ..
في المرحلة الاعدادية ..
كم مره عطاك ابوك صطار .. كف .. ؟
قـلـم حُـر
07-05-2007, 06:06 PM
مره وحده
الله يخليه لي
بس يسوى الاصطارات اللي خذتها في حياتك
وكانت حزتها في الصف الثالث الابتدائي
ما شاء الله علي للحين اتذكره
وقبل كم يوم كنت اذكر ابوي الله يحفظه لي
(( عجل ياغريب الدار قلتلي في الاعداديه ))
خخخخخخخخ
متى اخر مره دخلت حديقة الحيوان
الوردة الحزينة
07-05-2007, 06:09 PM
امممممم رحت شهر 2 اظن وكانت جميله جدااا :)
..
اللي بعدي
كم مجموعك..ج .. في اخر فصل درسته / ي ..؟
غريب الدار
07-05-2007, 10:31 PM
89.7
( اذكروا الله )
( يا قلم حر / مايهمك سني ( الاهم العقل ) )
كم مره تهاوشت في المدرسة .. وتكفخت ؟
درة الخير
08-05-2007, 12:18 AM
اممممممم
تهاوشت مرتين تعادل ومرة مهزومة
كانت ايام لا تنسى 00
مرة في الابتدائية ومرة في الثانوية وكانت النتيجة تعادل
ومرة وانا في ابتدائي --->تكفخت من قلب وولا وحدة من خواتي الخاينات فزعت لي --->خوافات خخخخ
كم مرة صادوك وانت تغش في الامتحان؟؟؟؟؟
قـلـم حُـر
08-05-2007, 12:19 AM
ارجو ان تكون الاسئله اكثر ايجابيه
ونبتعد عن الاسئله
اللي مثل
شسم امك
كم رقم جوالك
وش ايميلك
وين بيتكم
الشخصيه والخاصه جدا
ونرحب بباقي الاسئله
ونتمنى ان نرى اكثر ايجابيه يا ايجابيين
قـلـم حُـر
08-05-2007, 12:20 AM
اممممممم
تهاوشت مرتين
كانت ايام لا تنسى 00
مرة في الابتدائية ومرة في الثانوية وكانت النتيجة تعادل
ومرة وانا في ابتدائي --->تكفخت من قلب وولا وحدة من خواتي الخاينات فزعت لي --->خوافات خخخخ
كم مرة صادوك وانت تغش في الامتحان؟؟؟؟؟
مره وحده ومن زمان
مسكين ما عرف اغش ويوم حاولت اغش صادوني
مشكلتي بس اعرف اغشش
ما عرف اغش
والحمدلله تبت من زمان
الشباب لا شافوني شردوا
يدرون ما غشش حد
خخخخخخخخخ
هل تصلي الضحى على وجه الدوام ولا ناسيها
بكل صراحه
صاحبة السعادة
08-05-2007, 12:26 AM
بصراحه ما اصليها قبل كنت احافظ عليها بس من اشتغلت تكيسلت عنها
واسئل الله ان يتوب علي
والسؤال شنو اخر قصه قريتها او قريتيها..؟
لمسة دفئ
08-05-2007, 01:53 AM
انا معــاك اخوي قلم حـــر:confused:
خفـــوا علينـــا قلنا صــراحة وإحــراج ما قلنا فضايح،،،:ANSmile09:
خخخخخخخخ
فيكم حره شكلكم <<< خخخخ:040:
بس عجبتني الاجوبة الدبلوماسية،،:06:
لمسة دفئ
08-05-2007, 01:57 AM
آخــــر قصـــة قريتها
هــي قصتـــي اللي أنا كتبتها وهي بعنـــوان " رسائـــل شـــك"
حــلوة ترى<< مادح نفسه:ANSmile09:
السؤال للي بعدي:
متى آخر مره مــرضت فيها؟ وشنو كان المرض؟
بسم الله عليكم كلكم من المـــرض،،
لمســـــــــة،،،
قـلـم حُـر
08-05-2007, 09:01 AM
تعب نفسي جدا ولا زالت اعاني منه
اسأل الله ان يخفف علي
يوم العيد كم جمعت عيديه
لمسة دفئ
08-05-2007, 09:53 AM
ما تشوف شر
بسم الله على الجميـــع
مال اول عيديـــة الحين انا لازم اعطي ما آخذ،،
بس ابوي فديته عطاني 500 ريال بــس هاذي عيديتي،،
كم مره رحت لدكتور الأسنان؟؟
لمســــــــــة،،
قـلـم حُـر
08-05-2007, 10:09 AM
احم احم
ليش هالاحراجات القويه
بس اول شي قولوا ما شاء الله
يمكن من 3 شهور
طبعا انا من النوع اللي ما احتاج اروح عيادة اسنان
لاني ما شاء الله علي
افرش اسناني واتسوك دائما فلذلك اسناني بصحه ممتازه ولله الحمد
دوووووووووووم ان شاء الله
اي شي ولا الم الاسنان
قولوا ما شاء الله
اي ضرسي خطر في بالي سؤال محرج بس غيرت رايي
من هو العضو اللي تخاف من ردوده
لمسة دفئ
08-05-2007, 10:27 AM
اممممممم
ما اعتقد في حد ردوده تخوف،، بس في ناس ردودهم تونــس،،
للي وراي
مــتى آخــر مره دشيت فيها الشـــات؟؟
لمســـــــة،،
قـلـم حُـر
08-05-2007, 12:30 PM
الحمدلله مره وحده طبيته ويمكن كانت في سنة 2005
ودخلته من باب الفضول كي اثبت لنفسي انه ما يصلحلي ابد
حتى لا اجعل للشيطان سبيل في محاوله لجعله في نظري باب خير
ومن يومها الله كفاني شره وبلاويه اللي اسمعها دائما عنه
في كم منتدى مشارك ...؟
درة الخير
08-05-2007, 02:13 PM
مشاركة في منتدى نسائي معروف وايجابي
ولكن من فترة 3 شهور ما قمت ادخل الا منتدى ايجابي فقط
موقف محرج تعرضت/ي له؟؟؟
الخنساء
08-05-2007, 03:01 PM
كنت أكلم أداريه في الفرع النسائى أني لست مرتاحه لمدرستنا الجديده لأنها أول سنه تدرس فيها
وبعدها متدربه التفت واذا بمدستي خلفي توقع أنحرجت فعلآ
وما عرفت أطالع وجهها ومن يومها أرتحت لها
س - ما أسمك الحقيقي ونسبك ؟
لمسة دفئ
08-05-2007, 03:51 PM
الســـــؤال للأســـــف مرفـــــــوض عزيزتي الخنســـــــاء،،،،
"
"
"
ارجو ان تكون الاسئله اكثر ايجابيه
ونبتعد عن الاسئله
اللي مثل
شسم امك
كم رقم جوالك
وش ايميلك
وين بيتكم
الشخصيه والخاصه جدا
ونرحب بباقي الاسئله
ونتمنى ان نرى اكثر ايجابيه يا ايجابيين
انا معــاك اخوي قلم حـــر:confused:
خفـــوا علينـــا قلنا صــراحة وإحــراج ما قلنا فضايح،،،:ANSmile09:
خخخخخخخخ
فيكم حره شكلكم <<< خخخخ:040:
شـــكرا يا قلبي ،، يله دوري سؤال أكثــر احراج،، خخخخخخخ
لمســــة،،
قـلـم حُـر
08-05-2007, 05:20 PM
شاكر لك لمسه على انتباهك
خلاص انا راح احط السؤال
في حد قام يمدحك في وجهك || ووش كان شعورك ؟؟
لمسة دفئ
08-05-2007, 05:30 PM
بااااااال اشكثـــــــــــــر
ما شاء الله،،،
(انحــــــــــرج)<< اصدق عمري
في مره حد وجه لك كلمة او لقب احرجك؟؟ وماهي ردة فعلك؟؟
لمســــــــــــة،،
الجـوزاء
08-05-2007, 07:43 PM
جرحني بمعنى جرحني لأ ..
يعني بالبدايه أخدت الموضوع ببرود ..
بس بعدين .. تحلل بمخي ..
دكتور الماث مره قالي ( ثرثـارهـ ) ..::confused:
اللي بعدي ..
..
آخر مره اعتمرتـ / ِ ؟؟
لمسة دفئ
08-05-2007, 08:30 PM
وااااو
العمرة لما اسمع بطاريها احس بانشراح،،
آخر مره رحت فيها العمره كانت شهر فبراير 2007
للي بعـــدي
ما هي أجمل هدية تسعدك إذا اهداك أقــرب شخـــص لك؟؟
لمســـــــــــة,,,
قـلـم حُـر
08-05-2007, 09:26 PM
طبعا احب العطوور والعود والمسك
واذا احد يحب يهديني لا يستحي
ترى استقبل الهدايا
وش اللي خلاك تشارك في هاذا الموضوع
مع العلم انها للصراحه ويمكن تنحرج فيها شوي
لمسة دفئ
08-05-2007, 09:41 PM
احــــــــــم
^____^
انا طرحــت الموضوع لاني احب الاكشـــن والتحــدي،،
س: شنو الســـؤال اللي تخـــاف تنسأله؟؟
لمســـــــــة،،،
قـلـم حُـر
08-05-2007, 10:13 PM
الاسئله التي ليس بإمكاني الاجابه عليها
وهي في علم الغيب
لو سألك والدك هل انت مفسد ام مصلح ماذا تسمي نفسك ؟
غريب الدار
08-05-2007, 10:48 PM
بقوله انت ابوي وادرى فيني .. خخ
بقوله مادام حنا انروح المركز ونروح ونروح ونروح ؟ شتقول انت ؟
_ اشوف ابوي وش راح يقول _
س : ما رأيك في المنتدى بأكمله ؟
الخنساء
08-05-2007, 11:14 PM
منتدى رائع الله يثبت القائمين عليه
س - ما تقول في من يسب الرسول صلى الله عليه وسلم ؟
قـلـم حُـر
09-05-2007, 01:37 AM
ان كان عمدا فقتله هو ما يريح ضميري
وان كان عن جهل او مكره على ذلك فأنا اوضح له مكانة الرسول صلى الله عليه وسلم
شتسوي اذا جارك قطع شجرة بيتكم بدون اذن ..؟
درة الخير
09-05-2007, 03:09 AM
راح تكون مهمة زوجي ان يتفاهم معاه ويستفسر منه عن الاسباب ويوضح له انه ليس من حقه التصرف بدون إذن مهما كانت الاسباب 00
ايش اسم أكثر ماده تحبها /تحبيها؟
الخنساء
09-05-2007, 09:22 AM
ماده الشرعيه
س- هل تؤيد قياده المرأه السياره ؟
قـلـم حُـر
09-05-2007, 10:40 AM
شخصيا لا
ولكن ممكن مع الضغوط الصعبه مع استبيان الظروف ويجب ان تكون قاهره بالنسبه لي
نعم مع ضوابط وحدود
لما رأيت بعيني من قيادة للمرأه لما فيها خطوره عليها خاصة في وقتنا الحالي
وتهور بعضهن بعد القياده
حتى من نساء كبيرات وعاقلات
هل انت ... هو نفسك اللي برع المنتدى ( خلك صريح جدا )
والا ترى انك تختلف شيء ما عن شخصيتك في الخارج | مالفرق | ولماذا ؟
لمسة دفئ
09-05-2007, 01:16 PM
شخصيتي داخــل المنتدى هي ذاتها خارجه،،
ولكن المنتدى يحتم علينا طريقة تعامل محدده في نطاقات معينة،،
وحتى في الحياة العادية لكل نطاق تعامله الخاص فالبيت يختلف عن مكان العمل عن مكان الدراسة او الترفيه،،
وللمنتدى مساحــة اعمق للتعبير عن الذات باسلوب مختلف من خلال الردود وطرح المواضيع،،،
ولكن الفكر هو نفسه والثقافة هي نفسها والشخصية هي نفسها،،
هل لديــك عقدة الخوف الزائــد "الفوبيا" من شئ معين؟؟ ما هو؟؟
مثال: هناك أناس يخافون المرتفعات،، الظلام،، الاماكن المغلقة,, وهكذا،،
مما تخاف أنت؟؟
غريب الدار
09-05-2007, 06:32 PM
انا ..
:glare:
من الدراسة
كل اخاف من الدرجات .. ليش مادري .. ؟
:weep:
س : هل عندك الرغبة في الذهاب للشغل .. أو المدرسة ؟
ولماذا ؟
أحب الموت اشتياقا إلى ربي
09-05-2007, 09:47 PM
واييييييييد
انت هل تراقب ربك عند فعل شيء؟؟؟؟
بصمات
10-05-2007, 10:49 AM
الحمد الله رب العالمين
دائماً ربي أمامي في كل عمل أقوم به
ولو كل الناس يتمتعون بهذه النعمة لخفت الأخطاء والمنكرات
فكيف يعملون ما يعملونه من أخطاء وهم يعلمون إن الله يراقبهم
نسأل الله العفو والعافية في الدين والدنيا
سؤالـــــــــــي :
( هل كنت سبباً في هداية شخص ما ؟ )
* أخبرنا كيف حدث ذلك إذا أمكن ؟
غريب الدار
13-05-2007, 01:34 AM
لا .. تو الناس ..
س1 : كم شخص تعرفه في المنتدى ؟
===
الخنساء
13-05-2007, 01:50 AM
سته اشخاص
هل اذا سمعت الاذان تركت النت وذهبت الى الصلاه
قـلـم حُـر
13-05-2007, 12:15 PM
ان شاء الله
هل تسافر كل سنه ..؟
غريب الدار
13-05-2007, 04:21 PM
تقدر تقول ..
>> بس لأنك راد تسأل عن السفر .. هههه <<
س/ كم شخص دخلته المنتدى .. ؟
ومن هم ؟
الخنساء
13-05-2007, 06:30 PM
اثنين
ما أكثر موضوع تفاعلت معه في منتدى اجابي
لمسة دفئ
13-05-2007, 08:25 PM
موضوع
اختبـــر ذكاءك،،،،
لماذا اختـــرت هالنــــك نيــــم؟؟
لمســـــــــة،،،
درة الخير
14-05-2007, 12:19 AM
لاني احب الخير للكل
أي بلد تتمنى تزوره؟؟؟
الخنساء
14-05-2007, 02:33 AM
مكه والمدينه
هل تحب منتدى اجابي بصدق
قـلـم حُـر
14-05-2007, 01:22 PM
اترك هذا الجواب لكم
عدد وشهي السيارات اللي عندكم في البيت مع ذكر موديلاتها ونوعها
لمسة دفئ
14-05-2007, 03:24 PM
اممممم
انا باليالله اعرف اساميهم بعرف موديلاتهم؟؟
اممممممم
ببدى بأحلــى سيارة واللي ما يستغنون عنها هل الريان بالذات<< :99:
"العـــــــــراوي"
موديـــل ..... << مادري
" جي اكس آر"
موديـــل ..... << ما اعرف
" بــــورش كيان"
موديـل ..... << لا أعلم
" كابريـــس"
موديـــل ...... << i don't know
" يوكــــن جي ام سي"
موديــل ..... << أبـــوي يدري
" افالون"
موديــل ..... << يـــدّي يعـــرف
قـــولوا ما شاء الله :06:
س: متـــى تحــــس إنــــك فعلا شخص إيجابـــي؟<< قول\ي الصــــج...:tongue:
لمســــــــة,,,
بصمات
14-05-2007, 08:24 PM
الصج الصج ,, أحس إني شخص إيجابي
إذا قمت بعمل يؤثر إيجابياً في شخص ثم وجدته يتبع نفس طريقتي مع شخص أخر
أحس إن عملي معه وتعليمي له ما يروح هباءً .
سؤالي :
بصراحة ,, من هو اسم العضو في المنتدى اللي يعجبك وتمنيت يكون أسمك ؟؟؟؟
غريب الدار
14-05-2007, 08:34 PM
قلم حر ..
صج صج اسم عجيب .. وماسمعت عنه .. بس لما شفت الاسم .. قلت ياريت هاي اسمي .. !
س/ لماذا سجلت في المنتدى ؟ ؟
درة الخير
14-05-2007, 10:23 PM
لأني سمعت انه منتدى ملتزم ومحافظ وذلك بدعوة من أحد الأعضاء
كم عدد الاعضاء اللي تعرفهم شخصيا في المنتدى ؟؟؟؟
لمسة دفئ
14-05-2007, 10:38 PM
ون،،،
"1"
س: شنو تعليقك على الصورة اللي بتوقيعي؟:99:
لمسة،،,
غريب الدار
15-05-2007, 12:00 AM
يعني من لازم يكون عندنا همه .. خخخ
س/ ماهم الاعضاء اللي تعرفهم بالمنتدى ؟
قـلـم حُـر
15-05-2007, 03:54 PM
اذا كنت تبحث عن الصراحه فهم
1- ناصر (( المدير بكبره ))
2- جاسم (( المشرف ))
3- سالم ربيعه (( مشرف روضة السعداء ورحمه للعالمين ))
4- الراسي
5- احساس قلم
6- القلم الطليق
7- قلم ايجابي
8- +ايجابي+
9- hero
10- ابوخالد
11- ليث قطر
12- بن فطيس
13- سارق القلوب
14- الزبير
15- عبادي
16- محمد جارالله
17- غريب الدار (( توني عرفت حقيقته ))
وهناك عدد كبير الى الان لم اكتشفهم
ولوا ما شاء الله بس
هل تحسدني على اللي اعرفهم ولا عندك اكثر ؟
درة الخير
15-05-2007, 06:23 PM
ما شاء الله طلعتوا كلكم تعرفون بعض تقريباً
اللي اعرفهم في المنتدى 6 بس من الاهل وان شاء الله باحاول اتعرف على العضوات في اي مناسبة تسمح بذلك0
اللي بعدي 00
ما أسعد خبر سمعته في حياتك؟؟؟؟
الخنساء
15-05-2007, 06:47 PM
خبر نجاحي في الصف التاسع
ما ا تعس خبر سمعته في حياتك
لمسة دفئ
15-05-2007, 07:47 PM
الله يبعد عنا وعنكم الاخبار التعيســــة،،
امممممممم
آخـــــر خبر تعيس سمعته هو استقالة وحده من ربـــعي من الدوام،،
س: هل انت شخص عصبــــــــي؟؟ والى اي درجـــة تعصب؟؟
لمســــــــة،،
درة الخير
15-05-2007, 11:46 PM
اووف عصبية جداً
اكثر نك نيم اعجبك في المنتدى ؟
غريب الدار
16-05-2007, 12:17 AM
أختاروني حق العمرة لأول مره في المركز ..
وكان أسعد خبر أسمعه في حياتي .. :)
س/ ما أسوء خبر سمعته في حياتكـ ؟
لمسة دفئ
16-05-2007, 12:06 PM
احم
غريب الدار؟؟
شكلك مغلط بالنمرة،،،
قـلـم حُـر
16-05-2007, 04:08 PM
زين ما في احد بيصلح النمره
لمسة دفئ
16-05-2007, 04:12 PM
انا بصلحها
احلى نك نيم هو : امممممممممم في نكات وايد حلوه
قلم حر،، احساس قلم،، لمسة دفئ<< احم
س: اشرايك بمدير المنتدى من كل النواحي؟؟<< خلوا المجاملات على صوب،،
لمســـــة،،
قـلـم حُـر
16-05-2007, 04:28 PM
انسان له هيبته بين الناس
مبين عليه متفوق في دراسته
اكثر شي بين عليه
ابتسامته
وحبه للاستفاده
(( حبوب))
وش رايكم بقسم رحمة للعالمين
درة الخير
17-05-2007, 02:25 AM
لو يضموه مع روضة السعداء افضل
في كم منتدى مشارك غير ايجابي ؟؟؟؟؟
غريب الدار
17-05-2007, 06:58 AM
3 منتديات
كنت مغلط في النمره لاني كنت فاتح الصفحة الـ السابعه ورديت في الصفحة الثامنة .. اسمحلولي ..
س/ ايش تتوقع سبب استقالة نائب المدير Ja s s e m ?
قـلـم حُـر
17-05-2007, 10:56 AM
اسأل اخوه هو يقولك
اذكر موقف مضحك صارلك ؟
غريب الدار
17-05-2007, 06:09 PM
ههه ..
الموقف .. اممممم
كل مواقفي ضحك × ضحك .. على قولة المثل : اضحك تضحك لك الدنيا ..
س/ كم نسبتك في الثانوية العامة ؟
عبطبط
17-05-2007, 06:45 PM
ليش ذكرنا بالمواجع ..
بس الحمدلله كنت راضيه عن النسبه
82.2
شنو التخصص اللي حاب تدرسة في الجامعة .. أو أنت ألحين قاعد تدرسه.. ؟!
بصمات
17-05-2007, 09:48 PM
أنا متخصصة بيولوجي
وكنت حابة أتخصص لغة إنجليزية وكان البيولوجي هو خياري الثاني
لكن السنة اللي دخلت فيها الجامعة ما كانوا يقبلون العلمي يتخصصون لغة إنجليزية
والحمد لله الخيرة فيما اختاره الله.
# من هو قدوتك ومثلك الأعلى في الحياة ؟
الخنساء
18-05-2007, 01:48 PM
الرسول صلى الله عليه وسلم
هل ذهبت مكه وما شعورك عندما شاهت الكعبه
قـلـم حُـر
18-05-2007, 02:40 PM
شعور اي انسان مواطن
اكيد كان لها تأثير في نفسي اول مره فأنا جاي ابحث عن تلك الكعبه التي طالما طاف عليها الرسول صلى الله عليه وسلم
ودعا عندها
هل قبلت الحجر الاسود ..؟
غريب الدار
18-05-2007, 03:19 PM
اي .. الفجر ..
كم مرة زرت المكة المكرمة .. ؟
قـلـم حُـر
18-05-2007, 03:43 PM
تقريبا خمس مرات
ويروح ان شاء الله عما قريب باذن الله
هل صليت في الروضه اللي في المدينه ..؟
درة الخير
18-05-2007, 08:34 PM
مرتين
احلى اكله تحبها؟؟؟
n a 9 e r
18-05-2007, 11:52 PM
يمكن الباشميل ..
احلى برنامج تلفزيوني تشوفه ؟
الخنساء
19-05-2007, 12:01 AM
حياه القلوب + الجانب المظلم
ما ذا يعني لك الوقت
غريب الدار
19-05-2007, 02:44 PM
الساعة .. ههه
الوقت : اممم .. الجدول اليومي ..
وش راح اسوي في اليوم .. اهم شي احافظ عليه
هاي الوقت عندي ..
هل تم اختيارك .. عشان تكون عميل سري .. ؟
في العملية السرية ؟ وما كان شعورك ؟
قـلـم حُـر
19-05-2007, 02:48 PM
لم يتك اختياري ابدا
ولو ان التهم كانت تتحاذف علي ..!!
من هو العضو او المشرف الذي تراه عصبي نوعا ما .؟
بن فطيس
19-05-2007, 03:07 PM
السلام عليكم اسمحولي بدش معاكم ( لحظة صراحه).كنت متكاسل ولكن شديت الحبل وانطلقت..
كنت حاب اجاوب على الأسئلة بعضها قبل ولكن انشغلت شوي والصراحه ما عطيت الموضوع حقه..
لكن ان شاء الله ببدأمعكم..
بالنسبة لسؤال أخوي قلم حر..
الصراحه كل الأعضاء مب معصبين ولكن وسط من وجهت نظري ولكن في الأيام الأخيرة شفت انه العضو العصبي نوعا ما هو أخوي ساااااااااااالم ربيعه.. اسمحلي..
الصراحه راحه...
سؤال : ما هو اسمك الحقيقي..؟؟!!
قـلـم حُـر
19-05-2007, 03:32 PM
ارجو ان تكون الاسئله اكثر ايجابيه
ونبتعد عن الاسئله
اللي مثل
شسم امك
كم رقم جوالك
وش ايميلك
وين بيتكم
الشخصيه والخاصه جدا
ونرحب بباقي الاسئله
ونتمنى ان نرى اكثر ايجابيه يا ايجابيين
ارجو الانتباه مره ثانيه اخوي بن فطيس
افا يا سالم ربيعه
يقول انك عصبي
السؤال
ما عنوان اخر موضوع كتبته ؟ ومن وين كان مصدره |تأليفك|منقول من منتدى|منقول من ايميلك|الخ
الخنساء
19-05-2007, 08:10 PM
اربعه تؤدي الى اربعه من كتاب موسوعه اجمل الفوائد
هل تحفظ شي من القرآن
قـلـم حُـر
20-05-2007, 12:18 AM
نعم
كم جزء تحفظ من القرآن الكريم
غريب الدار
20-05-2007, 01:11 AM
جزء واحد وبعض الصور المتفرقة .. مثل الحديد ..
س/ هل تحس بأنك متميز .. ليش ؟
درة الخير
20-05-2007, 02:03 AM
نعم متميزة في عدة اشياء والحمدلله طبعا بشهادة اللي حولي 00
ايش احلى رياضة تحب تمارسها وتستمتع فيها ؟؟؟
غريب الدار
20-05-2007, 02:08 AM
كرة اليد ..
لاني احس اني لعيب فيها ..
س/ ماهي اعلى نسبة حققتها في الدراسة .. وفي اي مرحلة
القلم الطليق
20-05-2007, 02:14 AM
ثالث ثانوي 75,9
كم عضوا تعرفه شخصياا في المنتدى..؟
غريب الدار
20-05-2007, 05:38 AM
6. او يزيدون !
س/ ما رأيك باستعراض السيارات ؟
قـلـم حُـر
20-05-2007, 11:57 AM
اعتقد انه اذا مات يكون منتحرا على فتوى العلماء
ما هو اجمل موضوع قرأته في قسم روضة السعداء ومن كان صاحبه ..؟
القلم الطليق
20-05-2007, 03:13 PM
اجمل موضوع ღღ♥ღ قــلــوب بـيــضــاء ღღ♥ღ القلم الطليق احم
ماهو لونك المفضل ؟ وماذا يعني لك هذا اللون ؟
بن فطيس
20-05-2007, 03:44 PM
اللون المفضل لي.:a43: :a43: :a43:
اها زين طبعا هو أكثر من لون ولكن الأفضل اللون الأبيض وهو يدل على الصفاء والراحة النفسية..:tongue:
سؤال : ما هو نوع السيارة المفضلة ولماذا؟!!
قـلـم حُـر
20-05-2007, 06:29 PM
لكزس
لانها كانت سيارة اخوي الله يرحمه
وش هي سيارتك
لمسة دفئ
20-05-2007, 08:30 PM
رجعنا حق سوالف السيارات،،
مشكلة الشباب،،:040:
ما عندي سيارة الحمد لله،،
يا اللي بعـــدي،،
السؤال يقـــول: متــــى تحــــس انك ضعيـــف؟؟<< طبعا مب ضعف الوزن،،
(((كم عضو تعرفه شخصياا في المنتدى..؟)))
ما تحســـون ان هالســـؤال وايد يتكرر؟؟
يعني خاطري اعرف شالفايدة منه،،
مشكلــــة اللـــــ..... احم،،
لمســـــة،،
بصمات
20-05-2007, 09:56 PM
صراحة أحس أني ضعيفة
إذا أحد طلب مساعدتي ومعتمد علي
في شيء وأنا ما أقدر أسوي شي
وترى موقف صعب لأنه محسسك إنك أنت اللي بتلقى
له الحل وماتقدر تقوله ما أقدر أساعدك حينها
أحس إني ضعيفة جداً,,,,,
سؤالي :
# هل غلطت مرة على حد , وجاتك الجرأة تتأسف منه مع أنك كنت متأكد
من موقفك وفي الأخير طلعت على خطأ ؟
لمسة دفئ
20-05-2007, 10:19 PM
سبحان الله السؤال جا في وقته،،
احم ،، بما ان لســاني فارط نوعاً ما ،، فحـــزات يطلع مني كلام مو شــي،، وحزات يكون "مقصــود"
خصوصا اذا احد غلط علي او جرحني،،
ولكنـــي سرعــان ما اعود للإعتذار،، مثل ماعندي تلك الجرأة فعندي جرأة اكبر للاعتذار،،<< فديتني قلبي ابيـــض،،
وموقف صار لي اليوم مع وحده بالمكتب معاي،، انا اسميها "ضرتي" لأنا دووم في مشاحنات كلامية بس بعد نمووت على بعض،،
فاليوم شريت لها ورده حلوووه واهديتها اياها واعتذرت لها عن اي موقف زعلتها فيه ،،
طبعا هي ما صدقتني ان الورده لها وانها لهالسبب الا لما حلفت لها
لأن وباختصار " قلبها ابيض وما تشيل بخاطرها مني"<< فديتها
ادري اني طولت،،
" ملاحظة: صج ان لساني فارط شوووي بس كلشي فوقته،، يعني لحد يقول اني ملسوونه << اعرفكم حق السوالف،،":040:
س: اذا حد اعتدى عليك بالظرب شتسوي؟؟
لمســــة،،
غريب الدار
20-05-2007, 11:55 PM
فاعتدوا عليه مثل ما اعتدا عليكم ..
فهمتوا .. ظربني .. مب احسله ههههه :) ..
س/ كم اخ لديك .. وهل انت اكبرهم ولا اصغرهم ؟
قـلـم حُـر
21-05-2007, 12:34 PM
كانوا 4 واصبحنا ثلاث في هذه الدنيا بعدما فارقنا الحبيب الغالي اسأل الله ان يجمعني به على منابر من نور يوم القيامه
وانا اصغرهم سنا
في مره ضربك طفل وما قدرت ترد عليه لصغر سنه ؟
غريب الدار
21-05-2007, 04:00 PM
اي ..
كل يوم تقريبا ..
اخيتي الصغيرة .. كل يوم شغلتها تضربنا واحد واحد في البيت ..
بس قوطي الفاين مايقصر ..
:)
هل كنت تسمع اغاني .. ولا ولدت مهتدي .؟
قـلـم حُـر
21-05-2007, 05:07 PM
لا ولدت مهتدي
عجييييبه هالكلمه
لا كنت صغير شوي يوم كنت اسمع الاغاني
اي كان عمري 13 سنه او 14 سنه
والحمدلله الى يومي هذا وانا اكره الاغاني
بشتى انواعها
العمر كله ان شاء الله
هل انت ممن يحافظ على صلاة الضحى .؟
قـلـم حُـر
22-05-2007, 10:01 AM
طلعتم مب ايجابيين
ليش تخافون تقولون الصراحه
سألنا سؤال وكنا نتمنى نشوف جواب
مب كل واحد يدخل يدري انه ما يحافظ ما يرد
كذا ما يصير
يا كثر الاسئله المحرجه اللي اخذها ومع ذلك ارد عليها
يالله ننتظر واحد شجاع يرد على سؤالي
يا......................
سالم ربيعه
22-05-2007, 12:08 PM
لا >> للأسف ..
والله يرزقنا ذلك ..
س/ هل أنت ممن يصيح إذا محد رد على سؤالك ؟؟>>> زي أبو الشباب اللي فوق :) ..
أخوكم و محبكم في الله ..
سالم ربيعه ..
بصمات
22-05-2007, 12:56 PM
بصراحة أكره إن إحد يتجاهل سؤالي
وما يجاوبني وأحب يرد علي ويجاوبني بصراحة
بس ما راح أصييييييح :no:
سؤالي :
(( أفرض , أفرض , أفرض ... إنك غشيت في امتحان , وعطاك الأستاذ :nerd: أوالأبلة الدرجة الكاملة ,
إيش بيكون شعورك بصراحة ؟؟؟؟ ))
درة الخير
22-05-2007, 03:51 PM
اذا افترضنا ذلك 00
اكيد راح يأنبني ضميري 00
شنو احلى مكان في الدوحة تحب تزورة ؟؟؟؟
قـلـم حُـر
22-05-2007, 06:26 PM
الاماكن اللي احب ازورها كثيره
لكن ممكن تكون
منطقة الخور
ففيها مناظر جميله
سواء طلبت البر ولا البحر
ممكن تكتب لنا اجمل طلعه طلعتها سواء مع اهلك او مع الشباب
وصارلك فيها موقف لن تنساه ابدا
غريب الدار
22-05-2007, 11:22 PM
رحلة العمرة مع الشباب ..
س/ ليش تحي تشارك في هالموضوع ؟
القلم الطليق
23-05-2007, 02:33 AM
عشاني انا صريح
ههههه
مارايك بالاسياد2006؟
سالم ربيعه
23-05-2007, 12:25 PM
قلة حيا + تبذير + ضياع لأوقات عيالنا ..
ما رأيك في وقت محاضرات إدارة الدعوة المقامة حالياً ..
محبكم في الله ..
سالم ربيعه ..
قـلـم حُـر
23-05-2007, 03:21 PM
ممتاز جدا
خاصة انه في يوم الخميس
اي ان ما بعده اجازه
دام القائمين عليه بألف صحه وعافيه
هل انت ممن يدعو اهله واخوانه واصحابه للمحاضرات الدينيه ..؟
غريب الدار
23-05-2007, 05:47 PM
تقدر تقول
س/ كم مره ماصليت الفجر في جماعة
قـلـم حُـر
24-05-2007, 01:05 AM
الحمدلله
كثييييير جدا
نسأل الله الاخلاص
اذكر اخر مره دمعة عينك فيها ؟
بن فطيس
24-05-2007, 01:12 AM
جزاك الله خير على السؤال
صج أنه احراج ولكن بصراحه..بصراحه..
بس ماأدري دمعة خشية ولا شئ ثاني...
في يوم الجمعه كانت الخطبة مؤثرة تتكلم عن المـــــــــــــــــــــوت..
سؤال: ما أحسن خطبة جمعه أثرت فيك أو حسيت أنها تبكي؟؟!!
قـلـم حُـر
24-05-2007, 01:25 AM
خطبه في مسجد حصه السويدي يالعزيزيه
وكانت بعنوان
فليكن لنا في حمد قدوه وعبره
اذكر سبب دخولك بنكك ؟
غريب الدار
24-05-2007, 02:07 AM
سمعت نشيدة .. وهي تقول ياغريب الدار ...
فقلت خلني اغير واكون غريب عن الدار ..
س/ كم مره صاحيت من الفرح ؟
الخنساء
24-05-2007, 10:25 AM
ولا مره
بماذ ستستغل اجازتك الصيفيه
القلم الطليق
24-05-2007, 05:50 PM
النوم+المركز الفرقان الصيفي
كم جزء حافظ من القران الكريم؟
الخنساء
24-05-2007, 06:05 PM
احد عشر جزء ولله الحمد
هل تسمع اغاني
غريب الدار
25-05-2007, 02:26 AM
لآ ..
ما رأيك بالتعليم المستقل .. اقصد المدارس المستقلة .. ؟
القلم الطليق
25-05-2007, 03:05 AM
تعليم ممتاز احسن من المدارس الحكوميه
هل تكثر من تلاوة القران الكريم؟
الخنساء
25-05-2007, 03:43 AM
الله يغفر لنا مرات نتلو ومرات نسهو
كيف عرفت ان فيه منتدى اسمه ايجابي
غريب الدار
25-05-2007, 03:59 AM
اخوي الله يخليه ..
ماذا يعني لك ( إيجابي ) ؟
لمسة دفئ
26-05-2007, 01:20 AM
ايجابـــي = اســــرتي الالكترونيــــة،، وهل لأحد ان يعيش بلا أســـرة،،
س: ما معنى السطحيــة في نظرك،، وهل تجــد لها مثـــال في ايجابـــي؟ << بصراحة،،
لمســــــة،،
غريب الدار
26-05-2007, 02:01 AM
الصراحة مافهمت معنى السطحية
اجروا واحد ثاني يجاوب
القلم الطليق
26-05-2007, 02:51 AM
س:مامعنى السطحية في نظرك؟
هو سطح البيت من فوق ههه
القلم الطليق
26-05-2007, 02:54 AM
وهل تجــد لها مثـــال في ايجابـــي؟ << بصراحة>>
كلا
س هل تأيد فكره السياحه في الخارج؟
الخنساء
26-05-2007, 02:58 AM
لا
كم تحفظ من الاحاديث
غريب الدار
26-05-2007, 05:07 AM
الله اعلم .. من الصف الـ الأول إلى الحين يمكن 20 حديث . .
وغير المدرسة .. مادري والله
س/ هل أصدقائك يسمعون أغاني .. وهل نصحتهم ؟
لمسة دفئ
26-05-2007, 12:47 PM
امممممم
لا
لأني اسمع الاغاني،،،
س: لماذا تهرب القلم الطليق من الاجابة على سؤالي اعلاه في نظرك؟
لمســــــــة،،
قـلـم حُـر
26-05-2007, 02:37 PM
لانه ما يعرف يجاوب ؟
هل تعلم ما هي عقوبة من يسمع الاغاني ...؟ ارجو ذكرها
لمسة دفئ
26-05-2007, 05:00 PM
لا ما عرفها،،،
س: هل تعرف عقوبة سماع الاغاني؟
لمســــــــة،،
غريب الدار
26-05-2007, 05:39 PM
اي .. حسب علمي ان يصب الآنك في أذنه يوم القيامة ..
س/ ماتريد ان تشتغل في المستقبل ؟
بصمات
26-05-2007, 07:03 PM
الغيب والمستقبل بيد الله
ولكني أسعى إن شاء الله
أن أكون (--------) في المستقبل
أوووووه أسفة هذا سررررر.
# ذبحتنا الإشاعات:
تقدرون تقولون لي أشلون نقدر نفرق بين الحقيقة والإشاعة , أريد طريقة عملية ؟
سالم ربيعه
26-05-2007, 11:28 PM
السؤال من مصادر موثوقه ..
:) ..
طيب دوري ..
ليش تحب الصحابة رضوان الله عليهم ؟؟
أخوكم في الله ..
سالم ربيعه..
المثابر
26-05-2007, 11:36 PM
لأنهم خر القرون ونقلوا لنا الدين والسنة عن رسول الله
ما هي أكثر شخصية تأثرت بها في حياتك؟؟
سالم ربيعه
26-05-2007, 11:49 PM
خطاب ،، و الشيخ عبدالله عزام ،، و الشيخ ابن عثيمين رحمهم الله جميعاً :( ..
..
هل تحب الدعاة ؟؟ و هل تريد أن تكون منهم ؟؟
أخوكم في الله ..
سالم ربيعه..
غريب الدار
27-05-2007, 01:10 AM
أي .. ان شاء الله ..
س/ هل تؤيد الدراسة في الخارج .. ولماذا ؟
درة الخير
27-05-2007, 03:38 AM
أؤيدها بشروط00