اللهجة الهندية الجديده

[الراسي]

بسم الله الرحمن الرحيم

لاحظت وأكيد لاحظتو أن هناك سارت لهجة جديد للهنود في دول الخليج

ولو نظرنا لهذه اللهجة لرأيناها بعيده كل البعد عن اللغة العربية

وعن قواعد اللغة العربية ولرأيناها أنها مضحكه وفيها حرقات حتى الصغار صارو يتكلمونها

وحتى الكبار

مثال:


(راجو ماما وين في روح)(بابا ماما في روح سوق)
(رفيك شنو سوي أنتا)
(راجو روح دكان جيب واحد بيبسي)

وكثير من الامثال بس خلها مستوره

ما قول الا الله يعين على عيال الجيل الجاي


أرجو منكم الردود والمشاركة بأبداء الرأي

[لمسة دفئ]

ههههههههه

صح كلامك يا اخوي الراسي،،،،

ولو تلاحظ انهم هم اللي فرضوا علينا هاللهجة لانك لو كلمتهم قطري عادي ما يفهمون،،،

والمشكلة ان كلهم يعلمون بعض هاللهجة الغريبة ،، حتى الفلبينيات والاندونيسيات كلهم نفس الشي،،


بس المشكله يوم اللهجة هاذي تأثر على اليهال،،
والادهى والامر يوم اليهال يكونون مدرسينهم مب قطريين تعال اسمع المكس " رفيق يخرب بيتك"

خخخخخ ولا " فيه إيه بابا وات ساب"<< واحد يدرس بمدرسة انجليزية

يعني مكس رهيب،،

الله المستعان،،،


يعني نقدر نقول اللغة العربية في خطـــــــــر،،



لازم نعض عليها والله ونحاول نعلم عيالنا ونخليهم يحافظون عليها وما يتأثرون باللهجات العجيبة


مشكور اخوي ويزاك الله خـيـــر على الموضوع المهم جدا،،،

لمســــــــة،،،

[صاحب الهمة]

خخخخخخخخخخخخخخخخخخخخخ
والله صدقت أخوي الراسي
وصج
الخدم وهاي بعض أسألتهم
مدام شنو يبي آكل
بابا شنو يبي آشا
والله يعين الجيل الياي
وجزاك الله خير على الموضوع

[المثابر]

المفروض يغييرون قواعد اللغة من كثر الهنود فى دول الخليج

[قـلـم حُـر]

اذا ودكم تشوفون الطامه الكبرى

روحوا مطعم السفير

تبدلت الجوازات هناك الله المستعان

بارك الله فيك اخوي الراسي

موضوع مهم جدا

[DeeM]

ههههههههههههههههههههههه

كانه انا لمى اكلم سواقنا خخخخخخ

مشكور اخوي على الموضوع

[بن فطيس]

السلام عليكم ورحمة الله وبركاته ..
ماشاء الله أخوي استفد منك كثير ومن مواضيعك المفيدة ومش غريب عليك ..
جزاك الله على الموضوع القيم..
ولاحرمك الله من الأجر..
دمتم في حفظ الله..
أخوكم في الله..
بن فطيس..

[فجر]

موضوع مهم....ويستحق النقاش..
........

من وجهة نظري ...

اشوف ان احنا اللي فرضنا هالشي علينا يعني لو كلمناهم بلهجتنا اشبيصير؟؟مره...مرتين ما بيفهمون بس عقب بيتعودون بس احنا ما شاء الله علينا من المكتب نكلمهم بهاللهجة الغريبه..كفاية علينا لغتنا الفصحى رايحه فيها بعد اللهجه..من فترة سألت ولد عمتي قلت له : أمك وين؟؟ قال لي : أمك محد... شنووووووووو...:99: :99: شنو امك محد..صج ان شر البلية ما يضحك..والظاهرة منتشرة بشكل مخيف...وانسب الحلول العملية ...ان احنا نتكلم عدل مع الخدامه ..الدريول ..راعي الدكان..الخ...وسلامتكم

[درة الخير]

يعني باختصار الغلط منا احنا
وهم بعد الحل بيدنا
مثل ما تكرموا الاخوان والاخوات
جزاك اله خير على الطرح

[علي]

الموضوع بدايته تضحك لكن لو فكرنا و تأملناه شوي
نلقاه موضوع مأساوي للغة العربية :(
ونتمنى لو كان في موضوع مستقل يناقش هذه الامر
وحالنا مع اللغة العربية كما قال احد اساتذة اللغة العربية في هذا الزمان
(نحن امة عربية لكننا اعاجم في فهم اللغة العربية)
الله المستعان

تسلم يالراسى على هذا الموضوع

[المفتاح]

الصراحه مشكله كبيرة
وتكبر إذا شفناها عل اليهال

مثلا واحد يقرب لي(ياهل)
كل مايقول شي لازم يدخل كلمة سوي
مثل:سوي ترتيب(رتب)
باروح اسوي اكل(باروح اكل)

الموضوع يضحك بس المفروض مانضحك
لأن هذي لغتنا ولهجتنا
ومب حلوة تتغير
الحل في يدنا
ولا شرايكم؟؟؟؟